ब्रदर एन्ड्रू (Brother Andrew)
एन्डी भान डेर बिजल अर्थात् ब्रदर एन्ड्रू एउटा सानो डच गाउँमा (नेदरल्याण्डस्) सन् १९२८ मे ११ मा जन्मिएका हुन् । उनी जहिले पनि केही रोचन र चुनौती पूर्ण कार्य गर्न रुचाउँथे र यसैकारण उनी १८ वर्षको उमेरमा डच सेनामा भर्ती भए । उनको सेनामा सेवाको दौरान जिम्मेवार भएर जिएनन् । उनी परमेश्वरको विषयमा खासै चासो नलिने व्यक्ति थिए । तर उनी २० वर्षको हुँदा उनको खुटाको गोलीगाठोँमा गोली लाग्यो र अस्पताल भर्ना भए, यस सँगै उनको सैनिक जीवनको पनि अन्त्य भयो । यो घटना दोश्रो विश्व युद्ध पश्चातको डच वेस्ट इन्डिजको विद्रोह ताकाको कुरा थियो र यही डच सम्राज्यवादको विद्रोह स्वरुप इन्डोनेसिया देशको जन्म भएको थियो ।परमेश्वरमा विश्वास
अस्पतालमा नर्सहरुको स्वार्थ रहित सेवा र आफ्ना पुराना गल्तीको पश्चतापले बाइबल हातमा लिन उनलाई कर लाग्यो । उनी रित्तो, हृदय तोडिएको र परमेश्वरको खोजको भोक सहित उनी घर फर्किए । एकरात उनले प्रार्थना गरे, “प्रभु, यदि तपाईंले मलाई बाटो देखाउनुभयो भने म तपाईंलाई पछ्याउँछु, आमेन ।” त्यसदिन देखि उसो परमेश्वरले उनलाई नयाँ चाखलाग्दो र चुनौतिपुर्ण बाटोमा हिंडाउनुभयो । उनको सेवकाई फलामको आत्मिकी पर्दा लाइएका देशहरुमा बाइबल पु¥यउनमा केन्द्रीत छ । उनले आफ्नो जीवन मध्यपुर्वको बाइबल प्रतिबन्धीत देशहरुमा बाइबल र इसाई पत्रपत्रिका भित्रयाउनको लागि समर्पण गरे । उनी शित युद्धताका साम्यवादी (कम्युनिष्ट) राज्यहरुमा बाइबल तस्करी गर्ने व्यक्तिको रुपमा पनि प्रसिद्धछन् ।
बिभिन्न देशमा सेवकाई
सन् १९५५ मा तत्कालिन साम्यवादी देश पोल्याण्डमा भुमिगत मण्डली र त्यहाँका विश्वासीहरुलाई भेट्न गए । त्यहाँको कम्युनिष्ट युवा समुहमा नाउँ दर्ता गरे कारण त्यहाँ प्रवेश गर्ने यो एउटा उपाय थियो । उनको निम्ति कम्युनिष्ट देश अर्थात् फलामको पर्दा भित्र परमेश्वरको तस्करी सेवकाइको यो शुरुवात् थियो । सन् १९५७ मा उनी तत्कालिन सोभियत युनियनको राजधानी मोस्कोमा प्रवेश गरे । उनले यहाँ पनि बाइबल र इसाई पत्रपत्रिका पु¥याए जबकी यो त्यहाँको कानूनको विरुद्ध थियो । सन् १९६० को दशकमा इसाईहरु प्रति कडा व्यवहार भइरहेको वावजुद पनि उनी चिनमा गए । सन् १९७६ मा उनी अफ्रिकी नास्तिक देशहरुमा पनि प्रवेश गरे । युरोपका कम्युनिष्ट देशहरु पछी सन् १९७० को दशकमा उनी मध्य पुर्वका मुस्लिम देशहरुमा प्रवेश गरे र बाइबल पु¥याउने कार्यलाई जारी नै राखे ।
सन् १९६७ मा मा उनले जोन र एलिजावेथ सेरिल सँग मिलेर गडस् स्मग्लर (अर्थात् परमेश्वरको तस्कर) नामको पुस्तक पहिलो पटक प्रकाशन गरे जसमा उनको वाल्यकाल, इसाई विश्वासमा प्रवेश, बाइबल बिभिन्न देशमा लग्दाको चाखलाग्दा र चुनौती पुर्ण कथाहरु समेटिएका छन् । सन् २००२ सम्मा यसको १ करोड प्रति बिभिन्न ३५ वटा भाषामा विक्री भएका छन् । उनले सन् १९५५ मा ओपन डोर्स नामको सेवकाइको शुरुवात पनि गरे जसको सेवाको मुख्य क्षेत्र सतावटमा परेका विश्वासीहरुको निम्ति ढाडस दिनु रहेको छ । यस सेवकाइले संसारका ६० भन्दा बढी देशहरुको सेवा गर्छ जहाँ इसाई विश्वासलाई ग्रैर कानूनी मानिन्छ वा यस मतलाई सतावट दिइन्छ ।
सन् १९९० को दशकमा उनी सक्रिय रहेर नै मध्यपुर्वमा यात्रा गर्दै रहे । उनको लाइट फोर्स (ज्योतीको बल) नामक पुस्तकमा उनले अरब तथा लेवनानको मण्डली, त्यहाँको भुमिगत विश्वासीहरुको विषयमा उल्लेख गरेका छन् । उनी मुस्लिम देशमा र त्यहाँका अगुवाहरुकहाँ पनि गए । उनले हमास, पि.एल.ओ. (प्यालेस्टाइन लिवरेसन अर्गनाइजेसन) जस्ता मुस्लिम अतिवादी नेताहरु अहमद यासिन र यासार आराफात सँग पनि भेटे र बाइबल हातमा दिए ।
हेर परमेश्वरले के गर्न सक्नुहुन्छ ?
यस संसारमा यस्ता कयौं उदाहरणहरु छन् जसमा एक जना साधारण मानिसले असाधारण प्रभाव पारेका छन् । यस्ता हजारौं ज्वलन्त उदाहरणको एक प्रतिनिधी मात्र हुन् ब्रदर एन्ड्रू । उनले सुसमचार प्रतिबन्ध भएका दर्जनौं देशहरुमा सुसमचार पु¥याउनको निम्ति जीवनलाई नै मृत्युको जोखिममा राखे । २० वर्षको युवा अवस्थामा संसारको सेनामा जोखिम उठाएका र शारीरिक अवस्थाको कारण संसारको सेनामा सेवा निरन्तरता दिन नसकेका एक जना युवक सुसमचारका खातिर एक वीर योद्धा बने । एकजना युवा जसले पाफ्नो बिगतको जीवनलाई फर्केर तितो महशुस गरेका थिए तर त्यहाँबाट परमेश्वरमा भरोसा राख्न सिके । परमेश्वरमा जीवन समर्पण गर्ने एक जनाबाट हेर परमेश्वरले के गर्न सक्नुहुन्छ ?
- प्रेमनारायण भट्टराई, शक्तिशाली बप्तिस मण्डली, ललितपुर
Comments